| 呢排為左新屋D野好忙好忙,返左好多次大陸呀,傢俬都訂得7788啦~~~今日返去訂埋梳化同餐枱,咁要訂既都訂哂啦, 係差未搵到人攪2個TOLIET, 最貴係佢最煩都係佢 攪掂之後我地去左万象城食飯, 其實深圳我只係識羅湖,万象城,東門同小肥羊,大家知道仲有D咩地方有好野食又有街行下記住話我知呀, 因為10月仲要返去幾次,我唔想次次都食一樣既野呀,辛苦完一日最緊要食餐好架!!!!! 今次去万象城食飯果時諗住入去GUCCI 8卦下有無呀清之前响411睇到果條SCARF, 佢都話唔想睇架啦但係我見WINDOW DISPLAY D 款同香港果D唔係好同,睇下都無妨(其實係想睇自己野 ) 點知入到去佢睇唔岩D SCARF,但係我睇中左個袋呀!!!!!!!!!!嘩我一路都唔鍾意GUCCI因為佢太無誠意同埋唔係皮又易爛,都唔知點解賣咁貴,但係呢個真係好靚D手工又好,其實好細個架8"寬,不過我係鍾意呢D SIZE架啦~~~ 一問價錢.......嘩.........12XXX.........呀清都話咁既價錢不如買CHANEL........計番做港幣要成14000呀!!!!  <-------就係呢個,不過我鍾意白色~~~ 一出左間野我即刻發癲係咁話WTF使唔使咁貴呀靚極咪又係GUCCI BLAH BLAH BLAH,講到尾都係覺得貴囉哈哈~~~點知過左唔夠10秒,有一個18,9歲既O靚妹(同一個中佬一齊),竟然用緊同系列既大版.....即係16"1/2, 我岩岩上美國既SITE道睇,我鍾意果個賣USD1395, 佢果個賣USD1750 囉,唔係貴好多同埋我始終鍾意細SIZE多D,不過係唔抵得個O靚妹有囉-_-''''點睇佢都係俾人包果D~~~~其實成個商場D女人個個唔係LV就FENDI,唔係FENDI就CHANEL, 所以話D 大陸人真係好有錢  <---呢個就係個O靚妹果個~~~~ 好啦我呻完啦, 呻完舒服左D囉,不過如果有人送呢個袋俾我會更加開心,哈哈~~~~~ |
